«Դպրոցական տարիներից ի վեր ես երազել եմ կրթությունը հասանելի դարձնելու մասին։ «Կայծը» ստեղծեց այդ հնարավորությունը՝ տալով գիտելիքներ, ռեսուրսներ, մենթորություն, ընկերներ, ինչպես նաև ուժ՝ ինքդ քեզ հավատալու և առաջ շարժվելու: Ե՛վ «Կայծի», մեր երազանքների, և՛ քրտնաջան աշխատանքի շնորհիվ կրթությունը կդառնա ավելի հավասար բոլոր աշակերտների համար»:
ԱՄԱԼՅԱ ՀԱՐՈՒԹՅՈՒՆՅԱՆ
(«Հավասար» թիմ)
««Կայծում» ձեռք բերած գիտելիքները շատ օգտակար էին հատկապես ստարտափերի աշխարհում սկսնակների համար: Երբ «Կայծ» էինք գալիս, ընդամենը մեկ գաղափար ունեինք. հիմա մի ամբողջ ծրագիր ունենք»։
ԼԻԱՆԱ ՄՆԱՑԱԿԱՆՅԱՆ
(«Արևամանուկ» թիմ)
««Կայծ»-ի հետ գաղափարը դառնում է գործողություն, իսկ նպատակը՝ իրականություն՝ հստակ քայլերով ու գործողություններով»։
ՄԱՐԻԱՄ ՄԱՐՏԻԿՅԱՆ
(«Զարդենի» թիմ)
««Կայծի» շնորհիվ մեր գաղափարը մի մեծ կրթական նախաձեռնության վերածվեց։ «Կայծն» այն վայրն է, որտեղ ձեզ կաջակցեն և կառաջնորդեն՝ իրականացնելու ձեր երազանքը և առաջարկելու կրթության բարելավման ձեր տեսլականը»:
ԱՆԱՀԻՏ ԱԲՐԱՀԱՄՅԱՆ
(«VirtUS» թիմ)
«Մեր թիմն առաջին անգամ էր ինկուբացիոն ծրագրի մասնակցում, և վստահաբար կարող եմ ասել, որ «Կայծը» միանշանակ աջակցել է գաղափարի մշակմանն ու թիմի ձևավորմանը։ Շնորհակալ եմ «Կայծի» ողջ թիմին կատարած աշխատանքի համար»:
ԱՍՏՂԻԿ ՄՆԱՑԱԿԱՆՅԱՆ
(«Նոր Դաս» թիմ)
