«Դասավանդի՛ր, Հայաստան» կրթական հիմնադրամն առաջարկում է կրթաթոշակ բնագիտամաթեմատիկական, տնտեսագիտական կամ ՏՏ ուղղվածություն ունեցող ֆակուլտետներում թե՛ անվճար և թե՛ վճարովի համակարգում սովորող ուսանողների համար։ Տրամադրելով ֆինանսական աջակցություն և անհրաժեշտ ռեսուրսներ՝ մեր նպատակն է ոգեշնչել երիտասարդ տաղանդներին, ովքեր հանձնառու են միանալ մեր ծրագրին և խթանել տեխնոլոգիական նորարարությունները Հայաստանի մարզերում։
ԻՆՉՈ՞Ւ ԴԻՄԵԼ STEM ԿՐԹԱԹՈՇԱԿԻՆ
ՖԻՆԱՆՍԱԿԱՆ ՕԺԱՆԴԱԿՈՒԹՅՈՒՆ
Ստացե՛ք 500.000 դրամ կրթաթոշակ՝ հոգալու ուսման և հարակից ծախսերը:
ՄԱՍՆԱԳԻՏԱԿԱՆ ԶԱՐԳԱՑՈՒՄ
Համալսարանի ավարտական տարվա ընթացքում մասնակցե՛ք մասնագիտական և առաջնորդական զարգացման ուղղված զանազան միջոցառումների:
ԿԱՅՈՒՆ ԿԱՐԻԵՐԱՅԻ ՄԵԿՆԱՐԿ
Միացե՛ք «Դասավանդի՛ր, Հայաստան»-ի Առաջնորդության զարգացման երկամյա ծրագրին համալսարանն ավարտելուց անմիջապես հետո:
ՀԱՄԱԿԻՐՆԵՐԻ ՑԱՆՑ
Միացե՛ք համախոհների, շրջանավարտների և ոլորտի առաջատարների ցանցին՝ դնելով խոստումնալից կարիերայի սկիզբը ինչպես Հայաստանում, այնպես էլ Teach For All ցանցին անդամակցող բոլոր երկրներում:
«Դասավանդի՛ր, Հայաստան»-ի ԲՏՃՄ (STEM) կրթաթոշակ ստանալու պայմաններն են՝
Լինել բակալավրի կամ մագիստրատուրայի ավարտական կուրսի ուսանող (դիտարկվում են թե՛ առկա, թե՛ հեռակա ուսուցման համակարգում սովորողները)։
Ունենալ բարձր առաջադիմություն (ՄՈԳ)։
Պատրաստակամ լինել կրթական աստիճանը ստանալուց անմիջապես հետո միանալ «Դասավանդի՛ր, Հայաստան»-ի Ուսուցիչների առաջնորդության երկամյա ծրագրին։
Նշենք, որ Ուսուցիչների առաջնորդության երկամյա ծրագրին միանալու համար մանկավարժի որակավորում ունենալը չի հանդիսանում պարտադիր պայման։
ՄԵՐ ԿՐԹԱԹՈՇԱԿԱԿԻՐՆԵՐԸ՝
ՆԱԶԵԼԻ ԱԼԱՎԵՐԴՅԱՆ
Հայ-Ռուսական Համալսարան
ԱՐՄԱՆ ԴԱՎԹՅԱՆ
Հայաստանի ազգային պոլիտեխնիկական համալսարան
ԱՐԵՎԻԿ ՂՌՄԱՋՅԱՆ
Երևանի պետական համալսարան
Ի ՀԻՇԱՏԱԿ ԱՐՄԵՆ ՄԿՐՏՉՅԱՆԻ
Այս կրթաթոշակի միջոցով մենք ցանկանում ենք հարգանքի տուրք մատուցել «Դասավանդի՛ր, Հայաստան»-ի երրորդ սերնդի նվիրյալ Արմեն Մկրտչյանին: 2016 թվականին Արմենը միացավ կրթական անհավասարության դեմ մեր պայքարին և որպես մաթեմատիկայի Ուսուցիչ-առաջնորդ գործուղվեց Լոռու մարզի Ձյունաշեն համայնք։ Եվ չնայած ֆիզիկապես նա այլևս մեզ հետ չէ, նրա ոգին, եռանդը և նպատակասլացությունը շարունակում են նպաստել մեր առաքելությանը՝ ոգեշնչման աղբյուր դառնալով յուրաքանչյուրիս համար:
