ՄՏԱԾՈ՞ՒՄ ԵՍ ԿԱՐԻԵՐԱԴ ՓՈԽԵԼՈՒ ՄԱՍԻՆ։

ՑԱՆԿԱՆՈ՞ՒՄ ԵՍ  ՆՈՐ ԹԱՓ ՀԱՂՈՐԴԵԼ ՔՈ ՄԱՍՆԱԳԻՏԱԿԱՆ ԶԱՐԳԱՑՄԱՆԸ։

ՑԱՆԿԱՆՈՒՄ ԵՍ ՎԵՐԱԻՄԱՍՏԱՎՈՐԵ՞Լ ԿՅԱՆՔԴ։

ՈՒՐԵՄՆ, ՄԻԱՑԻ՛Ր «ԴԱՍԱՎԱՆԴԻ՛Ր, ՀԱՅԱՍՏԱՆ»-ԻՆ։

 ՄԵՐ ՄԱՍՆԱԿԻՑՆԵՐԻ ԿԱՐԾԻՔԸ ԾՐԱԳՐԻ ՄԱՍԻՆ

Մեր շրջանավարտների վերջին խմբում անցկացված հարցման արդյունքների համաձայն՝ նրանց գրեթե 100%-ը համաձայնեցին, որ աշխատանքային դրական հարաբերություններ են կերտել Առաջնորդության զարգացման իրենց ղեկավարի հետ։ Ավելին, հարցման գրեթե բոլոր մասնակիցները նշեցին, որ ձեռք են բերել նորարական հմտություններ և իրենց կրթական արդարության հաստատման ուղղությամբ պայքարող համայնքի մաս են զգում։

ԻՍԿՈՒՀԻ ԱՍԱՏՐՅԱՆ
6-րդ սերունդ

Մինչև «Դասավանդի’ր, Հայաստան»-ին միանալը նույնպես աշխատում էի որպես ուսուցիչ, բայց ինքնավստահության պակասն ինձ խանգարում էր արտահայտելու իմ ստեղծագործականությունը։ «Դասավանդի’ր, Հայաստան»-ի շնորհիվ ես բացահայտեցի իմ ողջ ներուժը,որը շատ արագ ինձ առաջ մղեց, և ես նշանակվեցի որպես տնօրենի ՝ ուսումնական աշխատանքների գծով տեղակալ: Ես սկսեցի ավելի լավ  ճանաչել ինձ,բացահայտել իմ հնարավորությունները, իմ աշակերտներին և իմ համայնքը:Գործընկերներիս հետ կիսվեցի այն հմտություններով և հնարավորություններով, որոնք ձեռք էի բերել երկամյա ծրագրի շրջանակներում: Ամենակարևոր ձեռքբերումներից եմ համարում առաջնորդական հմտությունների բացահայտումը և զարգացումը, որի  արդյունքում  ունեցա կարիերայի փոփոխություն: «Դասավանդի'ր, Հայաստան»-ի միջոցով ես ձեռք եմ բերել  անփոխարինելի ընկերներ, մեծ և կայուն թիմ, ինքնաբացահայտումներ, նոր հնարավորություններ, առաջնորդական հմտություններ:

ԱՆՈՒՇ ԱՄԻՐԲԵԿՅԱՆ
4-րդ սերունդ

«Դասավանդի’ր, Հայաստան»-ին միանալը եղել է կտրուկ որոշում, որի համար ինքս ինձ ամեն օր ասում եմ շնորհակալություն։ Դեռ դպրոցական տարիներից սիրահարված էի լրագրողի գործին, ընդունվեցի, աշխատեցի, բայց քայլերս տարան մեկ ուրիշ ոլորտ։ Իրականում փոփոխությունների պատճառը մի քանիսն էին։ Նախ, չէի հարմարվում քաղաքական խնդիրներին, որոնց մասին ամեն օր գրում էի։ Շուտով դրանք սկսեցին ձանձրացնել և անգամ դառնալ տհաճ։ Որոշեցի դիմել Erasmus + ծրագրին և Եվրոպական կամավորական ծրագրով դուրս եկա երկրից։ Բախտ վիճակվեց աշխատել արտասահմանցի երեխաների հետ, ինչը շատ բան փոխեց իմ մեջ։ Վերադառնալով Հայաստան` դիմեցի «Դասավանդի’ր,Հայաստան»-ին։ Եթե ուղղակի ասեմ շատ բան եմ ձեռք բերել ծրագրի միջոցով ու անցնեմ առաջ, ապա շատ բան ասած չեմ լինի։ Ինքս իմ մեջ շատ կարծրատիպեր եմ կոտրել, հատկապես դպրոցի, ուսուցչի դերի, ընդհանրապես, անհատի դերի մասին։ Հիմա ավելի ինքնավստահ եմ, հավատում եմ, որ միայն աշխատանքը սիրելով է հնարավոր հասնել հաջողության, ազդեցություն ունենալ նաեւ շրջապատի վրա։ Ես ձեռք եմ բերել կյանքին ավելի գունավոր նայող աշակերտներ, սիրելի աշխատանք, նոր շրջապատ։ Իմ մեջ զարգացրել եմ համարձակությունը, համբերատար ու հաստատակամ լինելը։