Վերապատրաստում և պատրաստություն

Տասը շաբաթ ինտենսիվ պատրաստություն՝ երկու փուլով, մինչև Ուսուցիչ-առաջնորդը կստանձնի դասարանի պատասխանատվությունը։

Առցանց նախնական վերապատրաստում՝ 3 շաբաթ

Բոլոր ընդունված թեկնածուներն անցնում են երեքշաբաթյա հիմնարար վերապատրաստում՝ զարգացնելով աշխատանքի համար անհրաժեշտ սովորությունները, ընդհանուր մասնագիտական լեզուն և պատրաստվածությունը.

Դասավանդման պրակտիկա. դասի պլանավորման, տեմպի, գնահատման և աշակերտների ուսումնառությունն իրականում խթանող գործոնների հիմունքները
Դասարանային առաջնորդություն. մշակույթի ձևավորում, բարձր ակնկալիքների սահմանում, վարքի կառավարում՝ արժանապատվության պաշտպանությամբ, և անվտանգ, կազմակերպված ուսումնական միջավայրերի ստեղծում
Երեխայի զարգացում. ինչպես են երեխաները սովորում, ինչպես են սթրեսն ու տրավման ազդում ուսումնառության վրա, և ինչպես աջակցել աշակերտներին ակադեմիական ու հուզական առումներով
Համակարգային փոփոխություն. Հայաստանի կրթական համակարգում համապետական խոչընդոտների ճանաչում և դրանց պայմաններում ուսուցանում՝ առանց ուսումնառության չափանիշներն իջեցնելու
Էթիկական առաջնորդություն. պատասխանատվությունն ու մասնագիտական վարքագիծը, որոնք անհրաժեշտ են երեխաների ապագայի վրա ազդեցություն ունենալիս

Նախնական վերապատրաստումը նաև ընտրության փուլ է. այն հաջողությամբ ավարտած թեկնածուները հրավիրվում են շարունակելու իրենց նախապատրաստումը Ուսուցչական առաջնորդության ակադեմիայում։

Ուսուցչական առաջնորդության ակադեմիա՝ 7 շաբաթ

Ակադեմիայում դասավանդման հիմունքները վերածվում են գործնական աշխատանքի։ 7 շաբաթվա ընթացքում Ուսուցիչ-առաջնորդները՝

Պլանավորում և իրական դասեր են վարում իրական աշակերտների համար՝ յուրաքանչյուր դասից հետո ստանալով համակարգված հետադարձ կապ
Ձևավորում և առաջնորդում են դասարանային մշակույթը՝ հաշվի առնելով սոցիալ-հուզական ուսումնառությունը
Սովորում են փոփոխությունների վրա հիմնված ուսումնառությունը և աշակերտների առաջնորդությունը զարգացնելու եղանակները
Գործնականում զարգացնում են գործընկերների և ընտանիքների հետ հաղորդակցվելու, խնդիրներ լուծելու և համագործակցելու հմտությունները
Նախապատրաստվում են պահանջներին՝ բարեկեցություն, դիմակայունություն և երկարաժամկետ կիրառելի գործելակերպեր
Անցնում են իրենց տեղակայման համայնքի տարածաշրջանային ծանոթացման փուլը

Ակադեմիան հաջողությամբ ավարտած Ուսուցիչ-առաջնորդները ստանում են պետության կողմից ճանաչված 30 կրեդիտի հավաստագիր, որը նրանց որակավորում է Հայաստանի հանրակրթական դպրոցներում դասավանդելու համար։

Երկու փուլերի վերապատրաստումն էլ վարում է մեր Առաջնորդության զարգացման թիմը՝ փորձառու դպրոցական ղեկավարների և նույն մարզերում դասավանդած Շրջանավարտ-դեսպանների հետ միասին։

Մասնակցության երկու տարի

Վերապատրաստումը կարևոր է։ Մասնակցությունն է ձևավորում առաջնորդներ։

Երկու ամբողջ տարվա ընթացքում Ուսուցիչ-առաջնորդները՝

Լիաժամ դասավանդում են մեծ կարիքներ ունեցող հանրակրթական դպրոցներում՝ պատասխանատվություն կրելով իրենց աշակերտների ուսումնառության և զարգացման համար
Ծառայում են այն համայնքներում, որտեղ կրթական անհավասարությունն առավել տեսանելի է, հաճախ՝ գյուղական կամ սահմանամերձ համայնքներում
Աշխատում են սահմանափակ ռեսուրսներով և իրական պատասխանատվությամբ՝ սովորելով գործել, հարմարվել ու առաջնորդել՝ առանց կատարյալ պայմանների սպասելու
Որակյալ դասավանդման, բարձր ակնկալիքների և հետևողական աշխատանքի միջոցով նոր չափանիշ են սահմանում հանրակրթության համար

Այստեղ առաջնորդությունը դադարում է տեսական լինել։ Իրական դասարանում ամեն օր է պետք կայացնել կարևոր որոշումներ։

Ծրագրի կառուցվածքը

Ծրագրի հենասյուները. 1-ին տարի։ Դասավանդման հիմունքներ

Առաջին տարում Ուսուցիչ-առաջնորդները կենտրոնանում են դասարանային ամուր պրակտիկա ձևավորելու և վերլուծող, աշակերտակենտրոն մանկավարժի սովորություններ զարգացնելու վրա։ Քոուչինգի, փոխադարձ ուսումնառության և գործնական մոդուլների միջոցով նրանք սովորում են նպատակային դասավանդել, հետաքրքրասիրությամբ զարգանալ և առաջնորդել դասարան։ Այս տարին հիմք է հանդիսանում ուսուցչական առաջնորդության բոլոր ձևերին՝ զարգացնելով մտածելակերպը, հմտություններն ու վստահությունը՝ յուրաքանչյուր աշակերտի համար իմաստալից ուսումնառության փորձառություն ստեղծելու համար։

Հենասյուն 1. Առաջնորդել աշակերտներին

Շրջանավարտների ուղու ուղղություն՝ դպրոցի փոխակերպում

Հենասյուն 2. Առաջնորդել ինքդ քեզ

Շրջանավարտների ուղու ուղղություն՝ հանրային քաղաքականություն և հետազոտություն

Հենասյուն 3. Առաջնորդել համայնքը

Շրջանավարտների ուղու ուղղություն՝ սոցիալական նորարարություն

1. Դասավանդել առաքելությամբ

(ձևավորել ամուր, աշակերտակենտրոն դասարանային մոտեցումներով ուսումնառություն)

«Ես ստեղծում եմ ուսումնական միջավայր, որտեղ բոլոր աշակերտները կարող են զարգանալ և զգալ, որ իրենց նկատում են»։

Սա ներառում է՝

Ուսուցման նախագծման հիմունքներ (նպատակներ, աստիճանական աջակցություն, գնահատում)
Ներառական և ներգրավող դասարանային մշակույթի ձևավորում
Ժամանակի, տարածքի և աշակերտների վարքի կառավարում՝ հստակությամբ ու հոգատարությամբ
Սկզբնական պատկերացում այն մասին, թե ինչպիսին է գերազանց դասավանդումը և ինչպես շարժվել դեպի այն

Սա ուսուցչական առաջնորդության բոլոր ձևերի հիմքն է՝ նախ լինել լավ ուսուցիչ։

2. Սովորել հետաքրքրասիրությամբ

(զարգացնել սեփական փորձը վերլուծելու որակներ և մասնագիտական ինքնություն)

«Ես պատասխանատվություն եմ ստանձնում իմ զարգացման համար՝ վերլուծելով իմ աշխատանքն ու սովորելով ուրիշներից»։

Սա ներառում է՝

Ինքնավերլուծություն և աճի մտածելակերպ
Նպատակների սահմանում և սեփական դասավանդման ուսումնասիրություն
Մենթորների կամ գործընկերների հետ հետադարձ կապի պարբերաշրջաններ
Սեփական ուսուցչական ինքնության և ձայնի ձևավորում

Առաջնորդությունը սկսվում է ինքնաճանաչումից և սեփական փորձից սովորելուց։

3. Առաջնորդել դասարանից

(սկսել նախաձեռնություն ցուցաբերել և ազդեցություն ունենալ սեփական գործունեության շրջանակներից դուրս)

«Ես փոքր քայլեր եմ անում՝ իմ դպրոցը բարելավելու և ուրիշներին աջակցելու համար»։

Սա ներառում է՝

Սեփական դասարանից դուրս առկա կարիքների նկատում
Կիսվել սեփական ռազմավարություններով, աջակցել խնդիր լուծող գործընկերոջը
Ներդրում դպրոցական համայնքում
Համակարգային մտածողություն. «Ինչո՞ւ է սա տեղի ունենում։ Ի՞նչ կարող եմ անել»։

Առաջնորդության համար պաշտոն պետք չէ. այն աճում է սեփական ներդրումից։

Ի նպաստ 1-ին հենասյան

Ի նպաստ 2-րդ հենասյան

Ի նպաստ 3-րդ հենասյան

Ինքնուրույն ուսումնառության մոդուլներ
Կրթական համաժողովներ
Դասի դիտարկում և վերլուծություն
Շարունակական քոուչինգ և մենթորություն
Ուսուցիչ-առաջնորդների փորձի փոխանակման աշխատարան
Փոխադարձ ուսումնառության համայնքներ
Առարկայական աջակցության համայնքներ
Փոփոխությունների վրա հիմնված ուսումնառություն
Դպրոցի ներգրավում
Ծնողների ներգրավում
Մասնագիտական աճի հարթակների և հնարավորությունների տրամադրում

Ծրագրի հենասյուները. 2-րդ տարի։ Ազդեցության խորացում

Երկրորդ տարում Ուսուցիչ-առաջնորդներն ընդլայնում են իրենց ազդեցությունը դասարաններից դեպի դպրոցներ, համակարգեր և համայնքներ։ Դպրոցի փոխակերպման, հանրային քաղաքականության և հետազոտության, ինչպես նաև սոցիալական նորարարության վրա կենտրոնացած մասնագիտացված ուսումնառության համայնքների միջոցով նրանք խորացնում են համակարգային փոփոխության իրենց ըմբռնումը և զարգացնում առաջնորդելու կարողությունը։

Այս տարին նաև կամուրջ է դեպի շրջանավարտի կարգավիճակ՝ աջակցելով մասնակիցներին ձևավորելու իրենց մասնագիտական ինքնությունը, ուսումնասիրելու կարիերայի ապագա ուղիները և որպես մանկավարժներ, քաղաքականություն մշակողներ, նորարարներ և փոփոխություն իրականացնողներ՝ երկամյա ծրագրի ավարտից հետո էլ Հայաստանի կրթական էկոհամակարգում պատրաստվելու շարունակական ազդեցության։

Դպրոցի փոխակերպում

Հանրային քաղաքականություն և հետազոտություն

Սոցիալական նորարարություն

Նպատակային փոխակերպման ենթարկել դպրոցները

(առաջնորդել փոփոխությունը համագործակցության և աճի մշակույթի միջոցով)

«Իմ դպրոցում ես զարգացնում եմ ուսումնառության, համագործակցության և բարեկեցության մշակույթ»։

Սա ներառում է՝

Դպրոցական համակարգերում փոփոխությանը դիմադրության արմատների վերլուծություն և դրանք հաղթահարելու ռազմավարությունների մշակում։
Ուսուցիչների և աշակերտների շրջանում աճի մտածելակերպի ձևավորում՝ համակարգված վերլուծության և հետադարձ կապի գործելակերպերի միջոցով։
Աջակցող, ներառական դպրոցական միջավայրի ստեղծում՝ սոցիալ-հուզական ուսումնառության և բարեկեցության մոտեցումների միջոցով։
Ուսուցիչների և աշակերտների համագործակցության խթանում՝ մասնագիտական համայնքն ու համատեղ ուսումնառությունն ամրապնդելու նպատակով։
Ծնողների հետ իմաստալից գործընկերությունների զարգացում՝ աշակերտի և դպրոցի համակողմանի զարգացմանն աջակցելու համար։
«Սերունդ» դպրոցի գնահատման մոդելի կիրառում՝ բարելավումը գնահատելու և ուղղորդելու համար։

Դպրոցի վերափոխումը սկսվում է մտածելակերպի փոփոխությունից՝ մեկ ուսուցչից, մեկ աշակերտից, մեկ մշակույթից։

Առաջնորդել հետազոտության միջոցով

(հասկանալ համակարգերը և նպաստել փոփոխությանը՝ փաստերի և համագործակցության միջոցով)

«Ես հետազոտություններն ու տվյալներն օգտագործում եմ որոշումներ կայացնելու և կրթական արդար քաղաքականությունները պաշտպանելու համար»։

Սա ներառում է՝

Հանրային քաղաքականության հիմնարար ըմբռնում. ինչպես է այն ձևավորում կրթության համակարգերը և առաջ մղում փոփոխությունը։
Վերլուծական, հետազոտական և առաջնորդական հմտությունների զարգացում՝ կրթական քաղաքականության մարտահրավերներն ուսումնասիրելու համար։
Մասնակցություն համատեղ հետազոտական նախագծերի, որոնք գործնական և կիրառելի եզրահանգումներ են տալիս դպրոցի և համակարգի բարելավման համար։
Փաստերի վրա հիմնված մտածողության և տվյալներով հիմնավորված որոշումների կայացում։
Քաղաքականության առաջարկությունների համատեղ մշակում՝ հիմնված դասարանում և համայնքում իրական փորձի վրա։

Առաջնորդությունը խորանում է, երբ հետազոտությունը հանդիպում է գործողությանը, երբ ուսուցիչները դառնում են փոփոխության հետազոտողներ։

Նորարարություն՝ հանուն ազդեցության

(Ստեղծել և առաջնորդել սոցիալական փոփոխություն առաջ բերող լուծումներ)

«Ես բացահայտում եմ իմ համայնքի մարտահրավերները և մշակում նորարարական լուծումներ՝ դրանց արձագանքելու համար»։

Սա ներառում է՝

Սոցիալական նորարարության և սոցիալական ձեռներեցության հիմնարար ըմբռնման ձևավորում։
Ստեղծարար գաղափարների մշակում՝ կրթական և համայնքային մարտահրավերներին արձագանքելու համար։
Փափուկ և առաջնորդական հմտությունների զարգացում. հաղորդակցություն, համագործակցություն և խնդիրների լուծում.
Համոզիչ ներկայացումների պատրաստում և անցկացում՝ հստակ արտահայտելով նախագծի նպատակները, արժեքն ու հնարավոր ազդեցությունը։
Նորարարական մոտեցումների կիրառում՝ դպրոցներում և համայնքներում տևական սոցիալական ազդեցություն ձևավորելու նպատակով։

Նորարարությունը սկսվում է ապրումակցումից՝ կարիքը տեսնելուց, նոր ուղի պատկերացնելուց և այն իրական դարձնելու համար գործելուց։

Ի նպաստ 1-ին հենասյանը

Ի նպաստ 2-րդ հենասյանը

Ի նպաստ 3-րդ հենասյանը

Ինքնուրույն ուսումնառության մոդուլներ և ռեսուրսներ
ALP ուսումնառության համայնքներ
Շարունակական քոուչինգ և մենթորություն
Կրթական համաժողովներ
Ուսուցիչ-առաջնորդների փորձի փոխանակման աշխատարաններ
Ինքնուրույն ուսումնառության մոդուլներ և ռեսուրսներ
ALP ուսումնառության համայնքներ
Շարունակական քոուչինգ և մենթորություն
Կրթական համաժողովներ
Ուսուցիչ-առաջնորդների փորձի փոխանակման աշխատարաններ
Ինքնուրույն ուսումնառության մոդուլներ և ռեսուրսներ
ALP ուսումնառության համայնքներ
Շարունակական քոուչինգ և մենթորություն
Կրթական համաժողովներ
Ուսուցիչ-առաջնորդների փորձի փոխանակման աշխատարաններ

Ժամանակացույց և հաջորդականություն

ՏարիԱմիսԱռաջնահերթ ուղղություններ

1-ին տարի

Սեպտեմբեր

Հարմարում համայնքին
Դասարանային մշակույթի ձևավորում
Հայտորոշիչ գնահատումներ (SGL. մոդուլ 1)

Հոկտեմբեր

Տվյալների վերլուծություն և տվյալների վրա հիմնված նպատակների սահմանում
Ուղղակի ուսուցման դասերի պլանավորում. SGL մոդուլ 2
Ուսուցիչ-առաջնորդների փորձի փոխանակման աշխատարան

Նոյեմբեր

Առարկայական աջակցություն
SGL 3. դասարանային մշակույթի վերագնահատում
Կրթական համաժողով I

Դեկտեմբեր

Առարկայական աջակցություն
Կիսամյակի ավարտի վերլուծություն

Հունվար

Կիսամյակի պլանավորում
Առարկայական աջակցություն
Փոփոխությունների վրա հիմնված ուսումնառության նախագծի պլանավորում

Փետրվար

Առարկայական աջակցություն
SGL 4. սոցիալ-հուզական ուսումնառություն
Փոփոխությունների վրա հիմնված ուսումնառության (CBL) նախագծի իրականացում

Մարտ

Ուսուցիչ-առաջնորդների փորձի փոխանակման աշխատարան II
Առարկայական աջակցություն
Փոփոխությունների վրա հիմնված ուսումնառության (CBL) նախագծի իրականացում

Ապրիլ

Առարկայական աջակցություն
Փոփոխությունների վրա հիմնված ուսումնառության (CBL) նախագծի իրականացում
SGL 5. տվյալների վրա հիմնված կրթություն. ամփոփիչ գնահատումներ

Մայիս

Ամփոփիչ գնահատումների անցկացում
Կրթական համաժողով II
Առարկայական աջակցություն
Փոփոխությունների վրա հիմնված ուսումնառության (CBL) նախագծի իրականացում
SGL 6. ուսումնական տարվա ավարտի վերլուծություն

Հունիս

Ուսումնական տարվա վերլուծություն
SLIP-ի իրականացում
Առարկայական աջակցության ամփոփիչ գնահատում

Հուլիս

Պրակտիկայի հանձնառություն
Շրջանավարտների առաջնորդության ուղու ուղղություն
Դպրոցի վերափոխում («Սերունդ»)
Հանրային քաղաքականություն և հետազոտություն (Քաղաքականության լաբորատորիա)
Սոցիալական նորարարություն («Կայծ» ինկուբատոր)

Օգոստոս

SLIP նախագծերի ազդեցության և ֆինանսական հաշվետվությունների ամփոփում
Շրջանավարտների առաջնորդության ուղիների ուղղությունների ներածական աշխատարաններ

2-րդ տարի

Սեպտեմբեր

Առարկայական աջակցություն
Դասարանային մշակույթի և կանոնների ձևավորում
Հայտորոշիչ գնահատումներ

Հոկտեմբեր

Առարկայական աջակցություն
SGL 7. ներառական կրթություն
Ուսուցիչ-առաջնորդների փորձի փոխանակման աշխատարան

Նոյեմբեր

Արտադասարանական գործունեության մեկնարկ
Կրթական համաժողով I
Կամավոր ատեստավորում
Աշակերտների ներգրավում տարբեր նախաձեռնություններում
Այս աշխատարանի վարում դպրոցում. SGL 3՝ դասարանային մշակույթի վերագնահատում
• Մասնակցություն Teach For All-ի համաշխարհային ուսումնառության համայնքներին, հանդիպումներին և միջոցառումներին

Դեկտեմբեր

Կիսամյակի ուսումնառության ամփոփում

Հունվար

Կիսամյակի պլանավորում
Շրջանավարտների առաջնորդության ուղիների ուղղության մեկնարկ

Փետրվար

Փոփոխությունների վրա հիմնված ուսումնառության (CBL) արտադասարանական գործունեության պլանավորում
Շրջանավարտների առաջնորդության ուղու հանդիպումներ
Այս աշխատարանի վարում դպրոցում. SGL 4՝ սոցիալ-հուզական ուսումնառություն

Մարտ

Մասնակցություն Ուսուցիչ-առաջնորդների փորձի փոխանակման II աշխատարանին
Շրջանավարտների առաջնորդության ուղու հանդիպումներ
Գործընկերների հետ փոփոխությունների վրա հիմնված ուսումնառության (CBL) արտադասարանական պարապմունքների իրականացում

Ապրիլ

SGL 5. տվյալների վրա հիմնված կրթություն. ամփոփիչ գնահատումներ
Շրջանավարտների առաջնորդության ուղու հանդիպումներ

Մայիս

Շրջանավարտների առաջնորդության ուղու հանդիպումներ
Ամփոփիչ գնահատումների անցկացում
Կրթական համաժողով
Փոփոխությունների վրա հիմնված ուսումնառության (CBL) նախագծի իրականացում
SGL 6. ուսումնական տարվա ավարտի վերլուծություն

Հունիս

1-ին և 2-րդ տարիների պորտֆոլիոյի վերլուծություն

Նշում. երկամյա ծրագրի ողջ ընթացքում Ուսուցիչ-առաջնորդները շարունակական քոուչինգ և մենթորություն են ստանում Առաջնորդության զարգացման ղեկավարներից, ինչպես նաև դասարանային ուղղորդում՝ Դասավանդման աջակցության մասնագետներից։ Շաբաթական թիմային հանդիպումներ և ամսական անհատական հանդիպում Առաջնորդության զարգացման ղեկավարների հետ։

Աջակցություն ամբողջ ընթացքում

Ուսուցիչ-առաջնորդները շարունակական աջակցություն են ստանում երկու տարվա ողջ ընթացքում՝ դասավանդման, առաջնորդության և բարեկեցության հարցերում։

Անհատական քոուչինգ։

Ուսուցիչ-առաջնորդներին կցված Առաջնորդության զարգացման ղեկավարները պարբերաբար անցկացնում է անհատական քոուչինգ, թիմային հանդիպումներ և առաջընթացի զրույցներ։

Դասարանային աջակցություն։

Կանոնավոր դիտարկումներն ուղեկցվում են դասերի պլանավորման աջակցությամբ, գործնական հետադարձ կապով և հստակ հաջորդ քայլերով։

Մասնագիտական ուսումնառություն։

Ինքնուրույն ուսումնառության մոդուլներ՝ խորհրդատվական ժամերին աջակցությամբ, դասերի պլանավորման, գնահատման և տվյալներով հիմնավորված դասավանդման, դասարանային մշակույթի, ներառական կրթության, փոփոխությունների վրա հիմնված ուսումնառության, սոցիալ-հուզական ուսումնառության, առաջնորդության և մասնագիտական ինքնության, ինչպես նաև ընտանիքի ու համայնքի ներգրավման թեմաներով։

Առարկայական աջակցություն։

Մասնագետները տրամադրում են առարկայական ռեսուրսներ, դասավանդման ռազմավարություններ և նախապատրաստում Հայաստանի ուսուցիչների կամավոր ատեստավորման գործընթացին։

Համաժողովներ և փոխադարձ ուսումնառություն։

Կրթական համաժողովներն ու փոխադարձ ուսումնառության աշխատարանները նպաստում են, որ Ուսուցիչ-առաջնորդները կապեր ձևավորեն շրջանավարտների, փորձագետների և միմյանց հետ։

Ամառային առաջնորդության փորձառություն։

Առաջին և երկրորդ տարիների միջև Ուսուցիչ-առաջնորդներն անցնում են հաստատված պրակտիկա՝ «Դասավանդի՛ր հանուն Հայաստանի»-ի շրջանավարտների երեք ուղիներից մեկին համապատասխան։ Սա վաղ հնարավորություն է ուսումնասիրելու, թե ուր կարող է տանել աշխատանքը հետագայում։

1+1 պայմանագրային մոդելը

«Դասավանդի՛ր հանուն Հայաստանի» ծրագիրը երկամյա, լիաժամ հանձնառություն է, և մենք ընտրում ենք թեկնածուների, որոնք մտադիր են ավարտել երկու տարին էլ։ Նշանակումները կատարվում են 1+1 պայմանագրային մոդելով. առաջին ուսումնական տարուց հետո մասնակիցները որոշում են՝ շարունակել երկրորդ տարին։ Այդ պահին հեռացողները ֆինանսական տույժ չեն կրում, սակայն չեն համարվում երկամյա ծրագիրն ավարտած շրջանավարտներ։