Վերապատրաստում և պատրաստություն
Մենք մարդկանց չենք ուղարկում դասարաններ՝ հույս ունենալով լավագույնի համար: Մենք պատրաստում ենք Ուսուցիչ-առաջնորդներին այն լրջությամբ, որն աշխատանքը պահանջում է:
Նախնական վերապատրաստում (5 շաբաթ)
Հիմնարար կարողությունների ձևավորում
Մենք մարդկանց չենք տեղակայում դասարաններում և հույս ունենում, որ ամեն բան լավ է լինելու։ Մենք նրանց լրջագույնս նախապատրաստում ենք աշխատանքի պահանջներին համապատասխան, քանի որ երեխաների ուսուցումը փորձաշրջան չունի, և Ուսուցիչ-առաջնորդներն իրենց աշխատանքն իրականացնում են փաստացի կարողություններով։
- Ուսուցման պրակտիկա՝ դասի պլանավորում, գնահատում, տարբերակում և այն հիմունքները, որոնք խթանում են աշակերտների ուսումը:
- Դասարանային առաջնորդություն՝ մշակույթի ձևավորում, բարձր սպասումների սահմանում և անվտանգ, համակարգվաած ուսումնական միջավայրերի ստեղծում:
- Երեխայի զարգացում՝ խորքային ըմբռնումով, թե ինչպես են երեխաները սովորում, ինչպես են տրավման և սթրեսը ազդում ուսման վրա և ինչպես կարելի է աշխակերտներին օգնել ակադեմիական և հուզական առումով:
- Կրթական հավասարություն. Հայաստանի կրթական համակարգում առկա համակարգային սահմանափակումների բացահայտում և դրանք հաղթահարելու ուղիների ուսումնասիրություն՝ առանց կրթական նշաձողն իջեցնելու։
- Էթիկական առաջնորդություն. պատասխանատվություն, արհեստավարժություն և բարոյական պարզություն, ինչը չափազանց կարևոր է երեխաների ապագայի վրա ներազդեցություն ունենալիս։
Ուսուցիչ-առաջնորդների ակադեմիա (5 շաբաթ)
Բարձր ինտենսիվության ամառային վերապատրաստում
Ծրագիրը պաշտոնապես սկսվում է բարձր ինտենսիվությամբ և սպասումներով ամառային ակադեմիայով։ Սա վերապատրաստում ապահովող փորձառություն է, որը գործում է որպես առաջնորդության զարգացման ծրագիր, այլ ոչ թե որպես կողմնորոշման ծրագիր։
- Միջազգային լավագույն փորձի տեղայնացում, այլ ոչ թե ներմուծում. հիմնվելով հզոր կրթական համակարգերի հաջողված օրինակների վրա՝ միևնույն ժամանակ հարգելով հայաստանյան համատեքստը:
- Հայաստանյան հանրակրթական դպրոցների իրականությունը, ներառյալ՝ դասարանների կազմը, ռեսուրսների սահմանափակությունը և հաստատությունների ներսում փոփոխություններ առաջնորդելու բարդությունը:
- Գործնական դասավանդում՝ իրական աշակերտներով ու դասարաններով. վստահությունը կոփվում է գործով, ոչ թե տեսությամբ:
- Առաջնորդների կայացում, որի առանցքում են հաղորդակցությունը, ճնշման տակ կողմնորոշվելը, կապերի ստեղծումն ու արժեքների վրա հիմնված արդյունավետ առաջնորդության վարքագիծը:
Երկու տարվա ծառայություն
Սեպտեմբերից մայիս երկու ուսումնական տարի
Վերապատրաստումը կարևոր է, բայց ծառայության միջոցով է իրական արդյունքը տեսանելի դառնում։
- Ամբողջական դրույքով աշխատելով ուսուցիչ կարիքավոր դպրոցներում՝ ստանձնել սովորողների առաջադիմության և աճի ողջ պատասխանատվությունը:
- Նրանք հաճախ գործունեություն են ծավալում գյուղական կամ սահմանամերձ համայնքներում, որտեղ կրթական անհավասարությունն առավել ակնառու է:
- Աշխատելով սահմանափակ ռեսուրսների և բարձր պատասխանատվության պայմաններում՝ նրանք սովորում են գործել՝ առանց կատարյալ նախադրյալների սպասելու:
- Նրանք նոր նշաձող են սահմանում այն մասին, թե ինչպիսին կարող է և պետք է լինի հանրակրթությունը:
Քոուչինգ և հաշվետվողականություն
Բարձր չափանիշներ՝ դրանց հասնելու աջակցությամբ
Մենք հավատում ենք բարձր չափանիշներին և մարդկանց զարգացմանը՝ այդ չափանիշներին համապատասխանելու համար: Յուրաքանչյուր ուսուցիչ-առաջնորդ ստանում է՝
- Առաջնորդության զարգացման ղեկավար (LDM), ով ծառայում է որպես քոուչ և պատասխանատվության գործընկեր:
- Պարբերական դասալսումներ՝ ինչպես առկա, այնպես էլ վիրտուալ:
- Շարունակական հետադարձ կապ և գործնական աջակցություն՝ հիմնված փաստերի և աշակերտների իրական արդյունքների վրա:
- Առաջնորդության զարգացում դասավանդումից անդին. շահառուների կառավարում, տոկունություն, մասնագիտական դատողություն և առաջնորդություն դպրոցում ու համայնքում: