Մանե Մկրտչյան, մաթեմատիկայի ուսուցիչ
Մինչև դասարան մտնելը, նախքան ծրագրին միանալը Մանեն աշխատում էր ՀԿ-ների ոլորտում՝ ակտիվորեն ներգրավվելով բնապահպանության և քաղաքացիական հասարակության զարգացմանն ուղղված տարբեր կամավորական նախագծերում։
Նա նաև Վիքիպեդիայի ակտիվ խմբագիր էր:
Մարտահրավերը։
Դպրոցում հիմնական մարտահրավերներից մեկը դասարանում բոլոր աշակերտներին հասանելի և հասկանալի դասավանդման մեթոդներ գտնելն էր, ինչպես նաև նրանց սովորելու մոտիվացիան պահպանելը։
Գործողությունները։
Ցանկացած իրավիճակում լուծումներ գտնելու ձգտումով՝ Մանեն շարունակաբար փորձարկում էր դասավանդման տարբեր մեթոդներ և համբերությամբ փորձում հասկանալ յուրաքանչյուր աշակերտի ուսումնառության առանձնահատկությունները։ Սոցիալ-հուզական ուսումնառության մոտեցումների կիրառմամբ նրա դասերը ժամանակի ընթացքում դարձան ավելի հասցեական և նպատակային։
Ինչ փոխվեց։
Այսօր Մանեի աշակերտներն անհամբերությամբ են սպասում մաթեմատիկայի դասերին՝ պատրաստակամությամբ ստանձնելով նոր նախագծեր և կյանքի կոչելով նոր գաղափարներ։ Նրա դասարաններում առաջնորդական հմտություններն ու ակադեմիական առաջընթացը զարգանում են միասին։
«Ինձ դուր է գալիս գյուղական կյանքի հանգիստ ընթացքը։ Այստեղ իսկապես ժամանակ եմ գտնում լիարժեք ապրելու համար»։ Մանե Մկրտչյան, Դովեղի միջնակարգ դպրոց, «Դասավանդի՛ր հանուն Հայաստանի» մաթեմատիկայի Ուսուցիչ-առաջնորդ
