Մեր մարդիկ

Նրանք Հայաստանի լավագույն շրջանավարտներն ու սկսնակ մասնագետներն են, ովքեր կայացնում են գիտակցված ընտրություն՝ իրենց կյանքի երկու տարին նվիրելու այն երեխաներին ու համայնքներին, որոնք պատմականորեն զրկված են եղել բավարար ռեսուրսներից։ Նրանք ունեն տարբեր մասնագիտական ու ակադեմիական փորձառություն, բայց կիսում են մեկ ընդհանուր համոզմունք. կրթությունն ազգային պատասխանատվություն է, իսկ առաջնորդությունը սկսվում է ծառայությունից:

Հայաստանի գյուղերում ու սահմանամերձ բնակավայրերում մեր Ուսուցիչ-առաջնորդները կատարում են իրենց առաքելությունը՝ դասավանդելով անտեսված դասարաններում և հաղթահարելով իրական դժվարություններ: Նրանց համար գերազանցությունն ու պատասխանատվությունը սկզբունք են: Դասն անցկացնելուց բացի՝ նրանք դառնում են աշակերտների ու նրանց ընտանիքների վստահելի գործընկերը՝ կերտելով մի աշխարհ, որտեղ յուրաքանչյուր երեխա լսված է, պաշտպանված և քաջալերված:

Անցնելով մասնագիտական կայացման ուղին՝ մեր Ուսուցիչ-առաջնորդները զարգացնում են առաջնորդին բնորոշ հմտություններ և հեռատեսություն: Ծրագրի ավարտին նրանք դասարանից հեռանում են ոչ միայն որպես կրթողներ, այլև որպես պատասխանատու քաղաքացիներ, ովքեր լավագույնս տիրապետում են մեր երկրի խնդիրներին և հստակ տեսնում են Հայաստանի ապագայի հեռանկարները: