Տվյալների դերը կրթության մեջ (Մաս 1)

Տվյալների վրա հիմնված ուսումնառության փորձառությունը «Դասավանդի՛ր, Հայաստան»-ում

«Դասավանդի՛ր, Հայաստան»-ի՝ ՀՀ բոլոր մարզերում գործունեության տասնամյա փորձը ցույց է տալիս, որ կրթական ծրագրերի գնահատումը և տվյալահեն որոշումների կայացումը կարևոր նախապայմաններ են արդյունավետ միջամտությունների և համակարգային բարելավումների համար։ Տվյալահեն որոշումների կայացումը աշխատանքային մշակույթի առանցքային բաղադրիչներից է։

Ուսումնական գործընթացների գնահատումը դիտարկվում է տարբեր տեսանկյուններից, ինչը հնարավորություն է տալիս ձևավորել հիմնավորված, բազմակողմանի և ամբողջական պատկեր։

Վերջին չորս տարիներին «Դասավանդի’ր, Հայաստան»-ում իրականացված ակադեմիական գնահատումները, ինչպես նաև Լոս Անջելեսի Կալիֆորնիայի համալսարանի (UCLA) Կրթության և տեղեկատվության դպրոցի (SEIS) Գնահատման, ստանդարտների և աշակերտների թեստավորման հետազոտությունների ազգային կենտրոնի (CRESST) հետ համատեղ իրականացված 18 ամիս տևողությամբ համապարփակ հետազոտությունը վկայում են, որ աշակերտների շրջանում քննադատական մտածողության և ավելի բարձր կարգի ճանաչողական հմտությունների զարգացումը շարունակում է մնալ բարելավման կարիք ունեցող ոլորտ (Teach For Armenia, 2024)։ Հիմք ընդունելով այս տվյալները՝ կազմակերպությունը մշակում է գործողությունների պլան, որը միտված է Ուսուցիչների առաջնորդության ծրագրում քննադատական մտածողության խթանմանը։

Սովորողի զարգացումը չի սահմանափակվում միայն ակադեմիական բաղադրիչով։ Կազմակերպությունն առանձնակի ուշադրություն է դարձնում նաև առաջնորդական և սոցիալ-հուզական կարողունակությունների զարգացմանը։

Ինչպե՞ս են տվյալները խթանում ներգրավվածություն և պատասխանատվություն

Տվյալահեն որոշումների կայացումը կարող է դառնալ համագործակցության և վստահության հզոր գործիք՝ միավորելով կրթության կառավարիչներին, ուսուցիչներին, ծնողներին և աշակերտներին։

Ի վերջո, տվյալների մտածված և համապարփակ օգտագործումը էապես բարձրացնում է կրթության արդյունավետությունը՝ ապահովելով թե՛ անհատական, թե՛ համատարած ուսումնական միջավայրեր։

Հաջորդ հոդվածում ավելի մանրամասն կուսուսումնասիրենք «Դասավանդի՛ր, Հայաստան»-ի փորձառությունը առաջնորդական և սոցիալ-հուզական կարողունակությունների գնահատման առումով։

Հղումներ՝ | References

• Հայաստանի Հանրապետություն. (2015). _«Անձնական տվյալների պաշտպանության մասին» ՀՀ օրենք._
• Datnow, A., and Park, V. (2018). Professional Collaboration with Purpose: Teacher Learning Towards Equitable and Excellent Schools.
• Mandinach, E. B., & Schildkamp, K. (2021). Data-Informed Decision Making in Education: The Next Steps in Supporting Educators to Use Data.